ജനിക്കും നിമിഷത്തിനു മുമ്പു തൊട്ടു
ഇന്നുവരെ
എന്റെ നിഴൽ പോലെ
പിന്തുടരുകയാണു നീ !
കൈ നീട്ടം എന്നേ
കരുതുകയുള്ളു നിന്നെ ഞാന് !
ഭാവിയിലും നീയെന്റെ പിന്നിൽ
ഉണ്ടാവുമെ ന്നെനിക്കറിയാം!
ഇരട്ടകളാണു നമ്മൾ !
നീയാ ണെന്റെ ആത്മബലം !
നീയാ ണെന്റെ സൂത്രധാരി !
നിന്നോടു
എനിക്കെന്നും വെറുപ്പില്ല,
സ്നേഹ ഭാവം തന്നെയുള്ളു !
വിധിയേ നീ വിരോധിയല്ല !
എന്റെ ജീവിതത്തിനു രസം കൂട്ടാൻ
നീ കാണിച്ചിരുന്ന
സാഹസങ്ങളുടെ വിഭിന്നതകൾ
എന്നെ
എന്നും അതിശയിപ്പിക്കുന്നൊരു
സൂത്രമാണു !
വിധിയേ നീ വിരോധിയല്ല !
ഇന്നത്തെ അഭിരുചിക ളൊക്കെ
നാളത്തെ അരുചിക ളാവാം;
ഇന്നത്തെ സങ്കടങ്ങൾ
നാളത്തെ സന്തോഷവും;
ഇന്നത്തെ ഐശ്വര്യങ്ങൾ
നാളത്തെ ദാരിദ്ര്യവും;
ഇന്നത്തെ വിരോധ ഭാവം
നാളത്തെ സൗഹ്രുദവും ;
കാലത്തിന്റെ സഹകരണം കൊണ്ടു നീ
കാണിക്കുന്ന വിനോദങ്ങൾ അനേകം!
വിധിയേ നീ വിരോധിയല്ല !
അന്ധകാരം എന്തെന്നു
അറിഞ്ഞില്ലെങ്കിൽ
പ്രഭാതത്തിനു വിലയുണ്ടോ ?
ദാരിദ്ര്യത്തിന്റെ ദർശനം
ലഭിച്ചില്ലെങ്കിൽ
ഐശ്വര്യത്തി നൊരു അന്തസ്സുണ്ടോ ?
നീ ഇടപെടുന്നി ല്ലെങ്കിൽ
ജീവിതത്തി നൊരു ജീവനുണ്ടോ ?
വിധിയേ നീ വിരോധിയല്ല !